உடல் ஆரோக்கியத்தை காக்கும் மா இலை.. சர்க்கரை நோய், இதய நோய்களை தடுக்கும் மருந்து..!

மாம்பழம் எல்லோருக்கும் பிடிக்கும், ஆனால் மா இலைகள் உடல் ஆரோக்கியத்திற்கு பல நன்மைகளை தரும் என்று உங்களுக்கு தெரியுமா..?

மா இலைகள் பல நூற்றாண்டுகளாக பாரம்பரிய மருத்துவத்தில் பயன்படுத்தப்பட்டு வருகின்றன.

மா இலைகள் சர்க்கரை நோயை கட்டுப்படுத்துவது முதல் ஆஸ்துமாவை கட்டுப்படுத்துவது வரை என பல உடல்நலப் பிரச்சனைகளுக்கு பலன்களை தருகிறது. மேலும், ரத்த அழுத்தம், வயிற்று வீக்கம் போன்ற பிரச்சனைகளை சரி செய்கிறது.

 

மாம்பழ இலைகள் இரத்த சர்க்கரை அளவைக் குறைக்கும் பண்புகளைக் கொண்டுள்ளன. மா இலையில் உள்ள மாங்கிஃபெரின் மற்றும் ஃபிளாவனாய்டுகள் போன்ற கூறுகள் உடலில் இன்சுலின் அளவைக் கட்டுப்படுத்தும் மற்றும் குளுக்கோஸை மேம்படுத்தும்.

பல ஆண்டுகளாக மா மரத்தின் இலைகள் இரத்த அழுத்தத்தைக் குறைக்கப் பயன்படுகிறது. க்வெர்செடின், ஐசோக்வெர்சிட்ரின் மற்றும் அஸ்ட்ராகலின் போன்ற செயலில் உள்ள பொருட்கள் உயர் இரத்த அழுத்தத்தைக் குறைக்க உதவுகின்றன.

 

மா இலைகளில் உள்ள பீனாலிக் கலவைகள் இயற்கையாகவே, அழற்சி எதிர்ப்பு பண்புகளாக செயல்படுகின்றன. கீல்வாதம் போன்ற கோளாறுகளில் ஏற்படும் வீக்கம் மற்உம் எரிச்சலை குறைக்க உதவுகிறது.

மா இலைகளிலிருந்து தயாரிக்கப்படும் கஷாயம் வயிற்றுப்போக்கு மற்றும் பிற வயிற்று நோய்களுக்கு சிகிச்சையளிக்க பயன்படுத்தப்படுகிறது. இந்த இலைகளில் உள்ள டானின்கள் மற்றும் பிற ஆக்ஸிஜனேற்றங்கள் செரிமான அமைப்பு சீராக செயல்பட உதவுகிறது.

 

மா இலை மூலம் தயாரிக்கப்படும் தேநீர் ஆஸ்துமா, மூச்சுக்குழாய் அழற்சி மற்றும் ஜலதோஷம் போன்ற சுவாச பிரச்சனைகளுக்கு தீர்வை தருகிறது. மேலும், இந்த இலைகள் கல்லீரலில் சேரும் அழுக்குகளை அகற்றவும் உதவுகிறது.